Галоўная / Навiны / Навiны рэгiёна
16.05.2023

Качанава аб грамадскіх арганізацыях: людзі павінны па патрабаванні сэрца прыходзіць і рабіць важныя справы

Старшыня Савета Рэспублікі Нацыянальнага сходу Наталля Качанава правяла сустрэчу з прадстаўніцамі Беларускага саюза жанчын Гродзенскай вобласці, перадае карэспандэнт БЕЛТА.

Гаворачы аб правядзенні такіх сустрэч, Наталля Качанава сказала, што ідэя ўзнікла даўно. "Я падумала, чаму, калі мы выязджаем у працоўныя калектывы, арганізацыі, установы нашай краіны, сустракаемся з людзьмі, дзе праводзім у форме дыялогавых пляцовак сустрэчы, чаму б не сустрэцца проста з жанчынамі, якія з'яўляюцца членамі Беларускага саюза жанчын. У нас даволі шмат такіх жанчын па ўсёй краіне. І я хачу сказаць, што апошнім часам Беларускі саюз жанчын прырастае новымі арганізацыямі, новымі членамі. Я бачу тыя мерапрыемствы, якія праводзяцца, яны цікавыя, і жанчыны шукаюць магчымасці ўступіць у гэту арганізацыю. Часам у мяне нават пытаюцца, як трапіць у жаночую арганізацыю", - сказала Наталля Качанава.

Спікер дадала: "Трэба працаваць так грамадскім арганізацыям, каб людзі хацелі прыйсці туды па патрабаванні сэрца, па волі лёсу, каб прыйсці і разам рабіць вельмі важныя, патрэбныя справы для сваёй арганізацыі, для краіны ў цэлым".

Наталля Качанава адзначыла, што ў час сустрэчы ў Гродне з задавальннем адкажа на ўсе пытанні. Пры гэтым звярнула ўвагу, што са свайго боку хацела б агучыць, чым сёння займаецца Савет Рэспублікі, якія прымаюцца законапраекты, чым жыве краіна ў плане работы над законапраектамі, як рэалізоўваюцца тыя задачы, якія пастаўлены на Усебеларускім народным сходзе, усе тыя пытанні, пра якія гаварыў Прэзідэнт у Пасланні народу і Нацыянальнаму сходу. "Хацелася б таксама расказаць пра тыя пытанні, з якімі звяртаюцца людзі, якія хвалююць нашых грамадзян. Калі чалавек інфармаваны, то ў яго тады і менш пытанняў узнікае. Таму на такіх сустрэчах, калі мы размаўляем, гледзячы ў вочы адзін аднаму, заўсёды хутчэй даходзіць інфармацыя", - сказала Наталля Качанава.

Старшыня Савета Рэспублікі падкрэсліла, што яна заўсёды адкрыта для дыялогу. "Я заўсёды знайду час сустрэцца або перагаварыць, каб аказаць дапамогу або садзейнічанне, выслухаць прапановы, якія будуць цікавыя і важныя сёння не толькі для нас заканадаўча, але ў цэлым для нашай краіны", - рэзюмавала Наталля Качанава.

На сустрэчы ў Гродне прысутнічалі 120 прадстаўніц БСЖ Гродзенскай вобласці. Наталля Качанава плануе наведаць усе рэгіёны рэспублікі да канца года.-0-

БЕЛТА - Навiны Беларусi