Велападарожжа ў гераічнае мінулае

Тры гады таму да Дня Незалежнасці на Дзятлаўшчыне адкрылі турыстычны веламаршрут № 489  “Партызанскай сцяжынай па Ліпічанскай пушчы”, прысвечаны падзеям Вялікай Айчыннай вайны. Напярэдадні 3 ліпеня, у юбілейны 80-ы год Вялікай Перамогі, калектыў райвыканкама на чале са старшынёй Андрэем Садоўскім, а таксама прадстаўнікі сілавых структур, грамадскіх аб’яднанняў, духавенства праехалі па ім, такім чынам аддаючы даніну памяці і павагі гераічнаму подзвігу продкаў.