Дзятлаўчане – сярэбраныя прызёры “Залатой шайбы”

У Мінску прайшоў рэспубліканскі этап спаборніцтваў па хакеі “Залатая шайба” на прызы Прэзідэнта Рэспублікі Беларусь у дывізіёне Б сярод юнакоў малодшай узроставай групы 2011-2013 гадоў нараджэння. Каманда “Алмаз” Дзятлаўскага раёна, якая прадстаўляла на спаборніцтвах Гродзенскую вобласць, заваявала тытул віцэ-чэмпіёна, дадаўшы “сярэбраны” вынік у скарбонку да тытулаў шасціразовага пераможцы, двухразовага сярэбранага і аднаразовага бронзавага прызёра фінальнага этапу рэспубліканскіх спаборніцтваў.