ЦВК зацвердзіла вынікі выбараў Прэзідэнта Беларусі

Цэнтральная выбарчая камісія зацвердзіла вынікі выбараў Прэзідэнта Рэспублікі Беларусь. Пасяджэнне ЦВК прайшло 3 лютага ў Мінску, перадае карэспандэнт БЕЛТА. "У ЦВК прадстаўлены пратаколы абласных і Мінскай гарадской камісій па выбарах Прэзідэнта аб выніках галасавання па абласцях і Мінску, на падставе якіх устаноўлены вынікі выбараў па краіне", - сказаў Ігар Карпенка. Агульная колькасць выбаршчыкаў па краіне склала 6 903 994 чалавекі. Бюлетэні атрымалі 5 916 834 выбаршчыкі. Удзел у галасаванні прынялі 5 916 195 выбаршчыкаў. Датэрмінова прагаласавалі 2 887 052 ​​выбаршчыкі. Па месцы знаходжання прагаласавалі 278 850 выбаршчыкаў. У дзень выбараў у памяшканні ўчастка для галасавання прынялі ўдзел у галасаванні 2 750 293 выбаршчыкі. За кандыдатаў у Прэзідэнты Рэспублікі Беларусь пададзена наступная колькасць галасоў выбаршчыкаў:  Гайдукевіч Алег Сяргеевіч - 119 272 галасы выбаршчыкаў; Канапацкая Ганна Анатольеўна - 109 760 галасоў выбаршчыкаў; Лукашэнка Аляксандр Рыгоравіч - 5 136 293 галасы выбаршчыкаў; Сыранкоў Сяргей Аляксандравіч - 189 740 галасоў выбаршчыкаў; Хіжняк Аляксандр Мікалаевіч - 102 789 галасоў выбаршчыкаў. Супраць усіх кандыдатаў прагаласавалі 213 277 выбаршчыкаў. "Прэзідэнтам Рэспублікі Беларусь выбраны Лукашэнка Аляксандр Рыгоравіч, за кандыдатуру якога пададзена 5 136 293 галасы выбаршчыкаў, што склала 86,82 працэнта, гэта значыць больш за палову грамадзян Рэспублікі Беларусь, якія прынялі ўдзел у галасаванні", - падкрэсліла сакратар ЦВК Алена Балдоўская.-0- БЕЛТА - Навiны Беларусi